Mbinu 5 za kukufanikisha maishani

Unaweza ukawa upo kwenye hali ya kulalamika maisha yako ni magumu na unashangaa kwa nini hufanikiwi katika maisha yako kama jinsi unavyotaka wewe. Hali hii inaweza ikawa inakuumiza pengine kila ukiangalia rafiki zako ama maisha ya wengine yanavyozidi kuwa mazuri, wakati wewe upo katika hali ngumu. Na pengine umekuwa ukijiuliza nini siri kubwa ya mafanikio yao ambayo wanaitumia ambayo wewe huna. Kutokana na hali hiyo umekuwa ukijilaumu kujilaumu na kujiuliza kwanini nyingi ambazo hazina majibu. Kitu usichokijua watu hawa huwa wanatumia mbinu fulani kufanikiwa.

Kawaida, katika maisha kama ulivyomchezo wa miguu, au michezo mingine mara nyingi huwa zipo mbinu za kufanikisha kile tunachokifanya. Mbinu hizi huweza kutambulika kama sheria, kanuni, au siri lakini zote hulenga kukufanikisha kama unataka mafanikio ya kweli. Mbinu hizi zinapotumiwa kwa bahati mbaya au nzuri huwa hazifanyi ubaguzi zinamwendea yoyote na kuleta matunda unayoyataka. Hata kama ikitokea umezitumia mbinu hizi kwa bahati mbaya bila kujijua ni lazima utafanikiwa katika maisha yako.

Mbinu hizi ndizo wanazozitumia wengi wenye mafanikio na kuwafanikisha, ingawa huwa sio kwao kuwa rahisi kukwambia mbinu hizo. Haijalishi unaishi kwa sasa maisha gani au upo kwenye matatizo mengi vipi, ukizitumia mbinu hizi, zitakufanikisha na kukupa maisha ya mafanikio unayoyataka. Acha kulalamika tena na kuishi bila amani. Sasa unaweza ukawa na mafanikio makubwa kama hao unaowaona wamefanikiwa, ikiwa utatumia mbinu hizi kukufanikisha. Unajua mbinu hizi ni mbinu zipi?

Hizo Ndizo Mbinu 5 Za Kukupa Maisha Ya Mafanikio:-

1. Kuwa na nidhamu binafsi.
Ili kupata mafanikio makubwa unayoyahitaji sio suala la kufanya kazi kwa bidii tu, zaidi unachohitaji nikuwa na nidhamu binafsi ambayo itakuongoza kwenye malengo yako. Watu wengi hawana nidhamu binafsi kitu ambacho kinapelekea wengi ndoto zao zinaishia kati. Ni muhimu kuelewa kuwa ni lazima kufanya mambo yale yanayoendana na ndoto zako, hata kama kuna wakati unajihisi umechoka unalazimika kujikaza kufanya jambo hata dogo ambalo litakufikisha kwenye malengo yako. Ukishindwa kuwa na nidhamu binasi katk maisha yako elewa kuwa utashindwa kufikia mipango na malengo iliyo jiwekea.

2. Jifunze kila mara kwa watu waliofanikiwa.
Hii itakusaidia kujua vitu vingi usivovijua kuliko kukaa na kung’anga’nia mbinu zilezile ambazo hazikusaidii. Yapo mambo mengi sana usiyoyajua ambayo yanakufanya ushindwe kufanikiwa. Ikiwa utakuwa na uwezo wa kujifunza kwa wale waliofnikiwa utakuwa upo kwenye nafasi kubwa ya kufanikiwa na kusonga mbele. Maisha yako yanazidi kuwa magumu siku hadi siku, kutokana na kukosa kujifunza kwa wengine kwa kujua hilo badili mwelekeo wako na kuwa mtu wa kujifinza mwisho wa siku mafanikio yatakuwa makubwa kwako.

3. Jifunze kutokana na makosa uliyofanya.
Inawezekana kuna mahali utakuwa umekosea kwa namna moja au nyingine,badala ya kulaumu na kuumia moyo sana jifunze kutokana na hayo makosa liyoafanya ili isije ikawa kwako rahisi kufanya makosa yaleyale kwa mara nyingine. Ikiwa utajifunza kutokana na makosa na kufanyia kazi kile ulichojifunza hapo utakuwa umechukua hatua moja muhimu ya kuweza kukusaidia kusonga mbele kuyafata mafanikio unayoyataka. Unataka mabadiliko makubwa katika maisha jifunze kutokana na makosa yako na acha sana kulaumu.

4. Jenga tabia ya kujisomea kila siku.
Hili ni jambo ambalo nimekuwa nikiliongelea sana kuhusu huu umuhimu wa kujisomea. Unapojisomea unapata vitu vingi sana tena ndani ya muda mfupi. Kupitia huko utaweza kujifunza mambo mazuri yatakayoweza kubadili maisha yako kwa sehemu kubwa na kuwa mtu, tofauti kabisa. Acha uvivu jifunze vitu vipya kila siku. Unaweza ukajifunza kupitia vitabu, ama mitandao mizuri inayoelimisha kama huu wa DIRA YA MAFANIKIO kwa kupata maarifa bora na sahihi kabisa. Unapojifunza inakusaidia kukabiliana na changamoto nyingi, ambapo kwako ingekuwa ngumu kuzikabili.

5. Kuwa na mahusiano sahihi na watu waliofanikiwa.

Katika kutafuta mafanikio ni vizuri ukawa na mahusiano ama mtandao na watu sahihi ambao watakusaidia kukufikisha kwenye lengo ulilojiwekea. Haina haja kuwa na watu ambao hawakusaidii kutimiza malengo yako. Watu hawa watakukwamisha na kukurudisha nyuma katika maisha yako tu siku zote. Jenga tabia ya kuwa na watu sahihi ambao utajifunza kitu kwao, utashirikiana nao na kujifunza mambo mengi huko ya mafanikio na hatimaye utamudu kusonga mbele.

SOMA:  Hakuna Aliyekukataza Kufanya Kitu Hiki Hata Wewe Unaweza Kwenye Maisha Yako


 Ukijenga utamaduni wa kutembelea mtandao huu kila siku muda si mrefu unakuwa tajiri wa mali, maarifa na afya. Kazi kwako!

Read More

Hakuna Aliyekukataza Kufanya Kitu Hiki Hata Wewe Unaweza Kwenye Maisha Yako

Habari Mpendwa Rafiki na Msomaji wa mtandao wa Bepari Classic? Ni matumaini yangu uko salama na unaendelea vizuri kuitendea haki zawadi ya siku hii ya leo. Chagua leo kuwa hii ni siku yako ya ushindi. Chagua kuwa na furaha siku hii ya leo na ishi katika mtazamo chanya siku zote. Karibu rafiki katika makala yetu ya leo tuweze kujifunza kwa pamoja.

Katika makala yetu ya leo tutajifunza somo linaloitwa hakuna aliyekukataza hata wewe unaweza kufanya. Karibu ndugu msomaji tuanze pamoja na tumalize pamoja katika safari yetu. Katika dunia ya sasa hakuna chumba au nafasi kwa walalamikaji yaani kuna watu wao kazi yao ni kuongea tu na kulalamika juu ya mambo yanayowatokea katika jamii zao bila kuchukua hatua yoyote.

Mpendwa rafiki,somo letu la leo linatualika kuwa hakuna anayekukataza hata wewe unaweza kufanya chochote katika maisha yako. Kuna maneno mengi ambayo watu utawasikia wakiongea kwa mfano, Fulani anafanya biashara Fulani aisee! Anapata kweli hela, au utasikia kitu Fulani kinalipa kweli huoni Fulani anavyoingiza na maisha yake yamebadilika? Swali la kujiuliza kama Fulani anafanya kitu na kinamsaidia kwani wewe umekatazwa kufanya?

Hakuna mtu aliyekatazwa kufanya baishara,kilimo,kuandika ni wewe tu mwenyewe kuamua ufanye nini. Sasa muda wa kuongelea wenzako wanafanya kitu Fulani unao na hujapewa ruhusa na mtu sasa je unasubiri upewe ruhusa ili uanze kufanya ya kwako? Badala ya kuwaongelea wengine namna wanavyopiga hatua kimaendeleo na wewe unabidi uamke na uende ukafanye kwani hakuna aliyekukataza kufanya hata wewe unaweza.

Habari njema ni kwamba hakuna kizuizi cha umri katika mafanikio kwa mfano wewe ni kijana unajiona ni mdogo mno hivyo hustahili hakuna kitu kama hicho. Labda wewe ni mzee umri umeenda sana unaona hustahili lakini hakuna kitu kama hicho bado unaweza kufanya. Hakuna aliyekukataza kufanya jambo lolote la maendeleo la kupiga hatua katika maisha yako. Kibali cha kuanza unacho mwenyewe wala siyo mtu mwingine. Acha kuwaongelea wengine wanafanya mambo Fulani badala yake na wewe anza kufanya kwani hakuna aliyekukataza kufanya hata wewe unaweza.

Nakutakia kila la heri katika haya uliyojifunza leo. Endelea kutembelea mtandao huu kujifunza kila siku. Asante sana.

SOMA: Zijue Sababu Kwanini Hutaki Kubadilika.

 Ukijenga utamaduni wa kutembelea mtandao huu kila siku muda si mrefu unakuwa tajiri wa mali, maarifa na afya. Kazi kwako!

Read More

Zijue Sababu Kwanini Hutaki Kubadilika.

Habari nyingine tena mpenzi msomaji wetu wa blogu yetu. Ni yangu matumaini u mzima wa afya. Hongera kwa siku nyingine tena. Kila siku kataka maisha yetu ni bora. Endelea kutumia vyema siku hii tena ili uzidi kuwa bora kuliko jana.

Mpendwa leo nitakuletea sababu nne za kwanini hutaki kubadilika kutoka mazoea/tabia hasi kwenda kwenye tabia chanya. Ni muhimu ukawa unafahamu ya kuwa bila kufanya mabadiliko makubwa ya kitabia na/au mazoea ni ngumu kufika katika lengo kuu la maisha yako. Mimi mwenyewe nilipoaanza tu safari yangu ya kuhakikisha natimiza ndoto zangu, cha kwanza nilianza kushughulika na tabia zote ambazo zilikuwa kikwazo kwangu. Leo katika mada hii nitalenga hasa kukuonesha hizi sababu ili ujue nini kina kukwamisha. Kujua sababu hizi itakuweka katika nafasi nzuri ya kuanza kushughulikia na sababu hizo.

Zifuatazo ni sababu zinazokusabisha usibadilike na kuwa na tabia chanya:-

Moja, Kutokuwa na Shauku la Mabadiliko.
Mabadiliko ni ngumu kutokea kwa mtu yeyote kama atakosa shauku au haja ya kubadilika. Shauku ni hali muhimu sana katika safari hii ya mabadiliko. Na shauku hujengwa na wewe mwenyewe baada ya kutamani mabadiliko na ukafika wakati mwenyewe kutoka ndani unaona haja kubwa ya kubadilika. Ni bahati mbaya kama hujafika hatua hii utajikuta kila mara unajaribu mabadiliko yako ya mazoea lakini baada ya muda kidogo unachemka.

Mimi nilifika hatua yakuamua kubadilika baada ya kukataa maisha niliyokuwa nayaishi awali. Niliona ni maisha ya shida na taabu kubwa, yalikuwa ni maisha ya fedhea. Kwa sababu ilifika mahali hata akiba ndani huna. Au mara nyingine huna hata fedha kidogo ya kukuwezesha kuwafanya wakupendao kufurahi. Yote hayo na mengine mengi yalichangia kuamsha shauku kubwa ndani yako ya kutaka mabadiliko makubwa. Kadhalika usomaji wa vitabu vya kuhamasisha na vitabu vya watu waliofanikiwa, umechangia pakubwa sana kuamsha shauku kubwa ndani yangu.

Pili, Kutokuwa na Nidhamu ya Mabadiliko. Kutokuwa na nidhamu ya mabadiliko ni kitu kingine ambacho hukwamisha kabisa safari ya mtu ya mabadiliko ya mazoea. Ndiyo maana katika makala zangu nyingi nimekuwa nasema sana kuhusu nidhamu katika kila jambo. Nidhamu ni ile hali ya utii wa kutekeleza ulioagizwa, au uliyojipangia au kutekeleza wajibu wako kulingana na taratibu zilizopo.

Nidhamu ni moja ya tabia muhimu sana katika safari yako ya kusaka mafanikio. Kama huna tabia hii, tafadhali chukua hatua kuijenga. Ndiyo, anza kujijengea hii tabia. Uliweza kujijengea tabia mbovu hadi leo zinakusumbua inakuwaje iwe ngumu kujijengea tabia nzuri. Kitu ambacho ni vyema kukijua ni kwamba kiasili  binadamu hupinga mabadiliko yoyote. Hivyo unapoanza mabadiliko uwe unalijua hili kwamba utapata ukinzania kutoka hata kwako mwenyewe, lakini kadri utakavyopingana na mwili ndivyo utakavyofanikiwa kujijengea tabia mpya.

Tatu, Kukosa Imani Kwamba Unaweza Kubadilika. Ukikosa imani kwamba unawezi badilika ni ngumu kufanya mabadiliko. Kumbuka imani huja kwa kusikia na kusikia huja kwa kusoma, leo jenga imani hii “ninaweza kubadilika na kuachana na tabia zote hasi” ninakwambia hivyo sina maana ya kutaka kukudanganya au kukuvutia, la hasha. Leo hapa unasoma makala hii kutoka kwa mtu ambaye aliamua kufanya mabadiliko makubwa katika maisha yake, unataka kumjua mtu huyo? Bila shaka ni mimi hapa.

Hakuna tabia ambayo huwezi kuiacha, hizo ni hofu tu ndogo ndogo, zilinitesa hata mimi lakini sikurudi nyuma. Nilikazana mpaka sasa nafurahia mabadiliko hayo, na ninazidi kupambana kubadilika zaidi. Kubadilika ni mchakato, unaanza taratibu kufanya tofauti ulivyozoea na hatimaye unabadilika kabisa. Ili ufanikishe hili anza leo kwenda kinyume na mazoea yako. Utashanga, maana utaanza kuona kumbe inawezekana.

Nne, Kutokujua Umuhimu wa Mabadiliko. 
Kutokujua umuhimu wa kubadilika ni moja ya sababu inayokufanya upambane na mabadiliko. Ubongo wako usipoona sababu za msingi ni ngumu kuweza kuachilia nguvu ya kuyahitaji au kuyatunza mabadiliko. Wengi hawabadiliki kwa sababu hawaoni umuhimu wake kabisa. Hawaoni nini tofauti ya kubadilika au kutokubadilika.

Kitu bora ni kwamba kabla ya kuchukua hatua ni vyema ukaorodhesha sababu zako za kwanini ubadilike. Hii itakusaidia kuifanya akili yako kuwajibika juu ya mabadiliko uyatakayo. Na baada ya kuzihorodhesha sababu hizo anza kuwa unazipitia kila mara. Ni muhimu sana kujua sababu, na mara nyingine hili liambatane na ujenzi wa picha kubwa kichwani, pichaya wapi unakotaka kufika. Picha hiyo kubwa itakujengea hamu kubwa ya kutamani kufikia mabadiliko yako.

Asante kwa kuwa nami, endelea kuwa kuwa nasi kwa makala zaidi. Tunakutakia safari njema ya mafanikio. Kwa mawasiliano yoyote tumia anuwani ya barua pepe hapo chini.

Ni mimi mwalimu wako,

Bepari. 

SOMA: IMANI ZINAZOKUZUIA USITAJIRIKE

 Ukijenga utamaduni wa kutembelea mtandao huu kila siku muda si mrefu unakuwa tajiri wa mali, maarifa na afya. Kazi kwako!

Read More

MAENEO USIYOYAJUA YANAVYOATHIRI UTU WAKO WA NDANI

Habari yako mpenzi msomaji wa blog hii. Bila shaka u mzima wa afya. Mimi mzima ndiyo maana asabuhi hii nimeamka na kukuletea makala hii kama ilivyo utaratibu wangu niliyojiwekea. Natumaini unaendelea kupata maarifa muhimu sana katika safari yako ya kukamilisha ndoto/maono yako.

Bepari na rafiki yako leo ninapenda kuja na mada tajwa hapo juu ili uweze kujua ni vitu gani vinavyoweza kuharibu mtindo wako wa kufikiri. Mada hii imelenga kukusaidia kukujengea mtizamo chanya ili ufikie katika malengo yako. Huwezi kufikia malengo yako huku unaendelea kujiachia hovyo katika baadhi ya mambo. Tukubaliane kila kitu kina miiko yake. Uwezi kuwa mwana muziki mkubwa, au mwigizaji mkubwa, au mfanya biashara mkubwa au mwandishi mkubwa wakati unaishi maisha ya kawaida kabisa. 

Ukiona unaishi maisha ya kawaida kabisa kama jamii inayokuzunguka inavyoishi, uwe na hakika na wewe utakuwa na maisha ya kawaida kama wao. Ni lazima utambue kuwa maisha yenye mafanikio ni tunda la mabadiliko makubwa ya kimtizamo utu wa ndani. Kila mtu ana ndoto/ maono makubwa kama wewe lakini ishu kubwa ni namna gani anafikia lengo hilo. Sasa wewe walau umeanza kuchukua hatua ni lazima uonyeshe utofauti, lasivyo nawe kuwa tayari kuwa kama wao. 

Unaweza kutumia mfano mdogo sana, ebu jaribu kufuatilia hata kwa watu wachache tu mwenye mafanikio wanavyoishi. Unaweza kuanza kwa kufuatilia unaoishi nao, utagundua utofauti wa maisha wanayoishi na wewe.

 Utagundua ni watu wanaojali sana muda. Ni watu wanaofanya kazi kwa bidii kubwa, ni watu wanaoamka mapema sana. Au mara nyingine utawaona wakiwa katika shughuli nyingi nyingi, mpaka kuna muda unajiuliza huyu au yule mbona haridhiki? Anaangaikia nini na utajiri mkubwa alionao?

Huo ni mfano mdogo, au pengine hujanielewa vizuri. Kama ulisoma shule, ulionaje mienendo ya waliokuwa wakifanya vizuri darasani. Wewe ni shahidi mara nyingine utawakuta hawalali mapema wanasoma, au utawakuta wakati nyie mnapiga stori wao wako bize wanasoma; wakati mwingine utawaona ni wadadisi wa mambo, hivyo muda mwingi watautumia kukaa karibu na walimu ili waelekezwe. Kwa ujumla unaweza kuona utofauti wao na wewe, basi hiyo ilikuwa sababu kubwa ya wao kuwa bora kuliko wewe/nyie. Yaani wakati wewe unaishi kikawaida wao waliishi kiutofauti na ndiyo maana wakawa tofauti na wewe. Kwa lugha nyingine ni kwamba “Utavuna ulichopanda”.

Sasa kwa mifano hiyo hapo juu utakuwa mahala pazuri pakutambua kitu kimoja kikubwa kwamba utofauti huo ulikuwa ni mitizamo yenu. Yaani namna mlivyokuwa mnachukulia mambo ndani yenu ndiyo sababu kubwa ya utofauti huo. Ina maana muonekano wenu wa nje ni matokeo ya utu wenu wa ndani. Na mara nyingi utu wenu wa ndani umeathiriwa zaidi na malezi na mazingira uliyokulia.

Nimeyasema haya kama utangulizi lakini, usiogope! Maana unafuatilia makala zetu ili upate suluhisho. Na mimi nakuhaidi suluhisho utalipata; sasa nikwambie siri ya ajabu sana katika maisha yako ni kwamba  “mawazo hukupelekea kutenda, matendo huleta mazoe, mazoea hutengeneza tabia, tabia hukuletea hatma yako”. Ukitaka kuwa na hatima njema ni bayana, lazima uingilie kati hiyo cheni ya hatma yako. Kwa kujilazimisha kufikiria mambo kama unavyotaka. 

Tabia ulizonazo sasa ndizo zinazokufanya leo uwe ulivyo sasa. Tabia za uvivu, uzinzi, uongo, kucheza na muda, kuona mafanikio ni bahati, kutukana, kutumia muda vijiweni, kutokupenda kusoma, na kadhalika zote hizo ndizo zimekufanya uwe ulivyo sasa. Kwa kifupi tabia ni ujumla wa mazoea yako kila siku. Kila kitu ukifanyacho kwa kujirudia kinakuwa ni mazoea, mazoea hayo ndiyo yanayozaa tabia yako. Ni jukumu lako kujikondisha ili uwe na tabia nzuri, tabia za kimafanikio, tabia za kiushindi. 

Swali, je unawezaje kujikondisha? Hilo ndilo somo letu.

Pamoja na kuendele kukuletea maarifa mbalimbali ya namna ya kubadilika kimtizamo(utu wa ndani), katika makala hii nitakusaidi kuepukana na mazingira yanayoathiri mtizamo wako. Na haya mazingira yanaleta ukinzani mkubwa sana wakati unachukua hatua za kubadili tabia zako. Na wengi hamju kama mazingira hayo yanakukwamisha. Makala hii inalenga pia kukufanya uwe mbali na mazingira hayo ili ufanikishe mabadiliko uyatakayo.

 Yafuatayo ndiyo mambo yanayokufanya uwe na tabia ulizonazo sasa ambazo ndizo zinazokukwamisha kufikia mtizamo, matendo, mazoea, na tabia ulizo nazo sasa. Na mara nyingine unaweza kuwa unajua au hujui:-

Mazingira Unayoshinda. Mazingira tunayoshinda kila siku na kwa muda mrefu yana nafasi kubwa sana kuamua aina ya tabia ulizo nazo. Hapa namaanisha watu tunaoshinda nao wanaweza kuwa marafiki, wafanyakazi wenzako, ndugu au jamaa zako. Pia stori tunazozizungumza. Mazingira hayo ndiyo yanayojenga mtizamo wako na kupelekea matendo,mazoea na tabia yako. Na mara nyingine hili linafanyika bila wewe kujua, kwa sababu ubongo wako wa ndani (Subconscious Mind) hubeba kila kitu bila kuchuja na hatimaye kinakuja kukuathiri katika maamuzi yako.

Nasema hivi sina maana ya wewe kujitenga na jamii ili kukwepa hili, la hasha! Nataka uchukuwe tahadhari hasa aina ya mazungumzo ya kushiriki, jenga tabia ya kuwa bize ukifanya shughuli zako, na kama unataka kuchanganyika basi tenga muda. Lakini hata katika muda huo ulioutenga chunga aina ya mazungumzo utayoshiriki. Kwa sababu kama utakubali kusikiliza mazungumzo yenye ushawishi hasi uwe na hakika yatakuadhiri tu. Kama ni kazini epuka mizaa isiyo na maana, fanya kazi kwa bidii, epuka kuongea hovyo hovyo. Hakuna faida yoyote utayopata katika mazungumzo hayo ya hovyo. Onyesha utofauti na tegemea matokeo chanya.

SOMA: IMANI ZINAZOKUZUIA USITAJIRIKE 

 Ukijenga utamaduni wa kutembelea mtandao huu kila siku muda si mrefu unakuwa tajiri wa mali, maarifa na afya. Kazi kwako!

Read More

IMANI ZINAZOKUZUIA USITAJIRIKE

 

Imani ni hali ya kuamini kwamba kitu fulani ni kweli. Imani ni hisia au mawazo tuliyojengewa ndani yetu kutoka katika mazingira yaliyotuzunguka. Imani si kitu kinachoonekana. Mara nyingi imani huwa sehemu ya mambo unayoyaamini katika dini yako lakini muda mwingine inaweza kuwa hata masuala ya kisiasa. Naweza kusema imani ni hisia kali au nzito ndani ya mtu. 

Na kwa sababu kila kitu kinaanzia ndani ya mtu, ni bayana imani inajenga mtizamo wa mtu katika masuala mbalimbali. Kupitia hisia au mitizamo hiyo unapata tabia ambayo unaiishi kila siku. Kadhalika imani ni hisia juu ya uwepo wa kitu fulani au mtu fulani. Imani hujengwa kwa kusoma, kusikia, kufundishwa au kuona.

Kwa asili ya binadamu wapo watu ambao wanaweza kujenga au kubomoa imani tuliyonayo. Hii linatokana na nafasi walizonazo katika maisha yetu. Wapo watu tunaowaheshimu na kuwaamini sana kiasi cha kwamba tumewaruhusu kupenyeza mawazo na mitizamo yao kutubadilisha na hatimaye na sisi kuamini kama wanavyoamini wao.

Imani yoyote uliyonayo ni kwa sababu uliruhusu siku moja kuwa nayo, namaanisha yaani bila ya wewe kuruhusu usingekuwa nayo. Hivyo kama ni wewe ndio chanzo kikuu cha ujenzi wa imani yako basi amini ni wewe unayeweza kuwa pia chanzo cha kubadili imani yako ya awali.

Nimekuletea somo hili ili kukusaidia kuondoa imani ambazo zimekuwa kikwazo cha mafanikio kwa wengi. Imani inaweza kuwa kikwazo kikubwa cha mafanikio yako. Unaweza kupambana kila kukicha kusaka mafanikio kumbe una mitizamo hasi katika mafanikio. Mafanikio ambayo leo nimeyalenga kuyangumzia hapa ni mafanikio ya kifedha, yaani utajiri.

Imani hizi ambazo ni kikwazo katika mafanikio yako mimi naziita ni imani potofu. Ukiwa na imani nzuri ukaiunganisha na matendo ni dhahiri utapata matokeo stahiki. Sasa zifuatazo ni imani potofu zinazokuzuia kusonga mbele:-

Imani ya Dini Kwamba ni Ngumu kwa Tajiri Kuingia Mbinguni. Hii ni imani iliyojengwa baadhi ya viongozi wa dini kwa watu. Na kwasababu viongozi wa dini ni watu tunaowaheshimu sana na kuaaminiwa na waumini tumewaruhusu kutupatia imani zao hata kama si sahihi kwa mujibu wa Biblia. Dhana hii imejengwa kutokana na mstari unaosema “Ni rahisi ngamia kupenya katika tundu la sindano kuliko tajiri kuingia katika ufalme wa MUNGU”Marko 10:25; mara nyingine hata si watumishi wa Mungu waliotupandikiza imani hii, bali ni sisi wenyewe kusoma maandiko kishabiki. Imani hii ikimea vilivyo kwako hutojishughulisha na kutafuta uhuru wa kifedha (utajiri) kabisa.

Awali ya yote tambua Mungu wetu ni tajiri sana, ndiye muumba wa vitu vyote. Hivyo haiwezekani akatukatalia kumiliki utajiri. Mungu anatuaambia atatufanikisha popote tuendako anasema “...........nawe utafanikiwa popote uendapo”, Yoshua: 1:7. Hivyo kufanikiwa ni mpango wa mungu kwa mwanadamu.

Hivyo imani ya kwamba tukiwa matajiri hatutaenda mbinguni ni imani potofu. Ukisoma vizuri habari ya tajiri, hiyo niliyoanza nayo hapo juu kutoka kwenye kitabu cha Marko, unapata jibu. Yesu katika habari hiyo anatupa ujumbe ya kwamba kama tutaweka utajiri mbele kuliko Mungu ni wazi mbinguni itakuwa ngumu kufika; anasema “Kwa binadamu haiwezekani, lakini kwa Mungu si hivyo, maana kwa Mungu mambo yote huwezekana.” Marko 10:27 . Badili hiyo Imani, weka juhudi, muamini Mungu lazima ufanikiwe.

Imani Kwamba ili Uwe Tajiri ni Lazima Ufanye Ushirikina. Imani hii inazidi kuwa kikwazo cha mafanikio kwa jamii zetu za kiafrika. Watu wanaamini ili uwe tajiri ni lazima uloge au uwe freemason nakadhalika. Wengi wanakimbilia kwa waganga na hatimaye hakuna wanachopata zaidi ya kuwanufaisha waganga tu. Kwanini hujiulizi iweje mganga atake mimi niwe tajiri wakati yeye anayesema anaweza kunitajirisha ana maisha magumu? Inuka tafadhali, acha kupoteza muda. Huwezi kuwa tajiri bila kujitoa kufanya kazi kwa bidii. Badili huo mtizamo na anza kubadilika kitabia na kimtizamo..

 Ukijenga utamaduni wa kutembelea mtandao huu kila siku muda si mrefu unakuwa tajiri wa mali, maarifa na afya. Kazi kwako!

Imani Kwamba Utajiri ni Bahati. Hii ni hisia kali ambayo inapoteza wengi sana. Watu wanaimani ili uwe na utajiri ni mpaka upate bahati. Imani hii pia inachagizwa na wasanii wetu katika sanaa zao, nyimbo na filamu. Na jamii kwa sababu inatumia sana sanaa zao inakuwa rahisi kuamini hivyo kwa sababu sanaa inaweza kuishepu jamii itakavyo. Pia si ajabu ukakuta watu wengi wanacheza kamari na kubet kila kukicha kutokana na kusubiria bahati zao.

Kwanza ni vyema ukaelewa kwamba bahati ni pale fursa inapogongana na maandalizi. Unapaswa kuanza kufanya maandalizi ili siku fursa inapotokea uweze kuitumia ipasavyo. Hakuna bahati katika kufanikiwa chukua hatua ya kupanga na kutimiza ndoto zako. Imani unayopaswa kuisajili upya katika masijala ya akili yako ni kwamba “chochote ninachokita nawezakukipata”.

SOMA:  Hatua Saba za Kukuwezesha Kufikia Malengo Yako.

Imani Kwamba Kabila au Familia Yangu Imelaaniwa. Si kweli hata kidogo kwamba hufanikiwi kutokana na laana ya familia yako au kabila, au kwasababu familia yako hakuna aliyefanikiwa basi mmelaaniwa. Hawakuwa na mafanikio kwa sababu waliishi kama wewe unavyoishi sasa hivi. Huwezi kufanya matendo yale yale wanaofanya wasiofanikiwa alafu utegemee matokeo tofauti (mafanikio), huo unaitwa ni upumbavu. Mshukuru Mungu kwa uwepo wako hapa duniani, amekuumba ili ufanikiwe katika njia zako zote acha kuyaishi maisha ya wenzio kama walizembea ni wao si wewe. Tafadhali badili imani hiyo mara moja.

Habari njema ni kwamba matajiri wengi duniani wametoka katika familia na masikini kabisa lakini walichukua hatua dhidi ya maisha yao na leo ni matajiri wakubwa sana duniani.

Imani Kwamba Ili Uwe Tajiri ni Lazima Uwe Umesoma. Kuwa makini katika hoja hii. Niseme wazi elimu ni kitu kizuri sana katika maisha ya binadamu na hasa hasa katika karne hii. Bila elimu ni wazi zipo changamoto kadha. Uzuri hata kama hukuwa na elimu ya shule unaweza kutafuta elimu na maarifa ili ufanikiwe katika maisha yako kwa sababu kusudi mama la elimu ni kukuwezesha kuishi maisha bora. Kama hukufanikiwa kusoma sio sababu ya wewe kutofanikiwa au kuwa tajiri.

Wapo matajiri wengi mijini hata kusoma na kuandika kwao ni shida lakini wana utajiri mkubwa sana. Hivyo hata wewe kama hukusoma haimaanishi huwezi kufanikiwa kifedha, la hasha! Utajiri unaweza kutengenezwa na mtu yeyote anayejua siri kubwa ya kukuza mtaji wake au kubadilisha maisha ya wenzake. Muhimu hata kama hukusoma endelea kutafuta maarifa kwa kujisomea makala kama hizi zitakazo kusaidia kupata maarifa ya maisha.

Hizi ni baadhi ya imani ambazo zinawazuia wengi kupata utajiri. Ukiwa na imani na zikakujaa vyema ni wazi itakuwa ndoto kufanikiwa. Imani inapounganishwa na matendo ni wazi huleta matokeo chanya, badili imani yako potofu uliyonayo ongeza kutenda utafanikiwa tu. Asante kwakuwa na mimi katika makala yote hii, natumai umefurahia mafundisho yetu haya.

 Ukijenga utamaduni wa kutembelea mtandao huu kila siku muda si mrefu unakuwa tajiri wa mali, maarifa na afya. Kazi kwako!

Read More

Hatua Saba za Kukuwezesha Kufikia Malengo Yako.

Ni  jambo la muhimu sana kuwa na malengo  ya maisha yako. Changamoto kubwa kwa wengi  ni namna gani watayafikia malengo hayo ambayo wamejiwekea. Wengi wamekuwa na malengo makubwa ambao yamebaki kuzunguka kwenye mawazo na kwenye akili zao tu. Wameshindwa kabisa kuyafanya kuwa halisi. Kwanini na wewe uendelea kushuhudia haya yakiendelea kukukumba na wewe? Inuka tafadhali badili mtizamo wako na ufikie malengo yako. Usipoinuka na kuangalia mambo na kufanya kwa utofauti bila shaka na wewe utakuwa kama wengi wanavyobaki  na malengo bila kutimia. 

Leo hii kama kila mtu angejaribu kuyafanyia kazi malengo yake kuwa halisi ni wazi Tanzania, na Dunia ingebadilika sana na ingekuwa sehemu bora zaidi ya kuishi.

Kimisingi  umeshindwa kufikia malengo si kwa sababui nyingine yeyote, la hasha! Sababu kubwa ni kwamba huna maarifa ya kutosha juu ya kufikia malengo. Au ni yawezekana hujui hatua muhimu zitakazo kufikisha kwenye malengo yako. Basi habari njema ni kwamba, umefanya uamuzi wa msingi sana kutembelea mtandao huu na kusoma makala hii. Nina imani kuanzia sasa utaondoa ukungu mbele yako. Maana nitakujuza hatua muhimu za kufanyia kazi uli uone malengo yako yakitokea. Hatua hizi zinatoa hakikisho la wewe kufikia lengo lolote maishani mwako,  kama ni lengo la kukuza kipato, au lengo kuwa bora kiroho, au lengo la kuwa mtu maarufu, chochole ambacho ni lengo kwako ni lazima ufike kwa kutumia hatua hizi. 

            

 Zifuatazo ni hatua muhimu zitakazokuwezesha kufikia kilele cha malengo yako. Tafadhali tuendelee.........................

   1. Amua Nini Unataka.

Kuamua unachotaka ni hatua ya awali inayokupa fursa ya kunyambua unachokitaka kwenye maisha yako kutoka kwenye kapu kubwa la mawazo na fikra. Fanya uamuzi na ujiridhishe kwamba uchaguzi utakaoufanya ni mahitaji yako kutoka ndani mwako, na mara zote iwe ni kitu unachokipenda kabisa na unajisikia amani na furaha nyuma yake. Kama huna uakika ni vyema ukaendelea kujifunza zaidi juu ya mambo ya msingi kuhusu kitu hicho ili upate fursa ya kufanya uamuzi ukiwa na taarifa zote.

    2. Andika Malengo Yako.

Iko nguvu kubwa kati ya ubongo na mkono wako unapoandika malengo yako. Kwa kuandika malengo yako unatoa fursa ya akili kushughulika juu ya malengo uliyoyaandika. Tendo hili la kuandika linaruhusu nguvu ya kanuni  ya matarajio, kanuni ya mvuto,  na kanuni ya mawasiliano kwa pamoja kuanza kazi kati ya akili na ulichokiandika. Pia inakupa imani, na uhakika wa kwamba utafikia malengo yako.

    3. Kuwa Tayari Kulipa Gharama.

Ni vyema kujua kwamba hupati kitu bila ya kulipa gharama. Yaani kwa kifupi ni kwamba hakuna kitu cha bure. Vitu vyote ukivihitaji lazima ulipe gharama tena sio gharama tu bali gharama stahiki. Ukilipa gharama kidogo uwe na uhakika utapata kinachoendana na malipo yako. Sasa ufanyeje hapa, sikia! andika orodha ya gharama utazopaswa kuzilipa ili kufikia malengo yako. Andika kwa umakini ili ziwe ni gharama halisi zitakazokufikisha kwenye malengo yako. Kumbuka gharama hizi sio lazima ziwe za kifedha la hasha! Inaweza kuwa mazoezi, muda, juhudi kazini, kujali muda, kusoma zaidi, kusali sana, kufunga na kadhalika.

Mfano,  unawezakuta gharama za kufikia malengo yako ni kuamka mapema sana kila siku na kujihamasisha,  au kufanya kazi kwa bidii zaidi;  au ni  kuongeza ujuzi au maarifa au elimu ulionayo. Wewe andika yote. Au unatakiwa kubadili biashara au kazi au tasnia uliyoko ndiyo ufanikiwe. Wewe andika tu. Yote hayo unayaandika chini ya lengo lako ulilolichagua. Kumbuka tunachokifanya hapa ni kuifanyasheria ya kupanda na kuvuna ishughulike, maana lazima ghrama zilipwe. Yaani lazima upande mbegu aridhini, uzimwagilie ndipo uvune. Au ni lazima utoe ndipo upokee.

4. Tengeneza Mpango Kazi. 

Tengeneza mpango kazi kwenye maandishi. Kumbuka uwezo wa kuandika malengo na kuyapanga ili yatokee ndiyo mbinu kuu ya kukufanikisha.  Mpango unaanza na wewe kuorodhesha vitu vyote ambavyo unafikiri ukivifanya vitakusaidia kufikia lengo kuu. Baada ya hapo unaanza kuipanga orodha hiyo  uliyoiandika kwa kufuata umuhimu na unyeti wa kila jambo. Yaani ni kitu kipi cha muhimu kukifanya kabla ya kingine ili ufikie kwenye lengo lako? Au ni kitu gani katika orodha yako ambacho hakiwezi kufanywa kabla ya kukamilisha kingine? Basi vipange kulingana na umuhimu.

 Kufanya hivyo kutakusaidia kujua njia utayopita kufikia malengo yako. Hatua hii itakuwa inakufanya kutokuwa kwenye ulimwengu wa kubahatisha mambo kwa maana utakuwa na uhakika wa kufika tu. Hii itakuongezea uwezo na imani ya kufikia na kukuongezea mzuka na uchu wa kutamani kufikia malengo yako.

           5. Anza Kutendea Kazi Mpango Wako.

Hujaandika mpango ili ukufurahishe au kama pambo, anza kuutekeleza. Najua hapa ndipo kwenye utofauti mkubwa kati ya waliofanikiwa na wasio na mafanikio. Baada ya kutengeneza mpango wako ulioandikwa ukionesha na gharama unazoenda kulipa unatakiwa kuchukua hatua maramoja yaani kuutekeleza. Kumbuka Bibliainasema “imani bila matendo imekufa” . Matendo yatachochea kila aina ya nguvu  duniani kukufikisha unakotaka.

Unapoanza kutenda unaiwezeshakanuni ya mvuto kukusaidia kufikia unakotaka. Hii kanuni ya mvuto ndio inaowasaidia wote wanaopambana juu ya jambo fulani bila kuchoka na hatimaye wanalipata. Jaribu kuuliza wanamuziki wakubwa kwamba nini kimewafikisha walipo leo. Ndio utagundua kazi na uwezo wa kanuni hii. Kadhalika matendo yako yataionyesha dunia inayokuzunguka kwamba unamaanisha kwa kile unachokilenga.

Changamoto kubwa kwa watu wengi wakianza kutendea kazi mipango yao hufika mahali wanaanza kupunguza matendo juu ya malengo yao bila kujua kufanya hivyo kutaathiri matokeo.Tafadhali hakikisha unatenda matendo ya kutosha ili ufike bila tatizo kwenye malengo yako. Ukifanya kwa wastani kama wengi wafanyavyo utapata matokeo lakini hayatakuwa yale uliokusudia, yatakuwa yakawaida sana. Utajikuta unakamata nafasi ya pili au tatu wakati ulikusudia kushinda nafasi ya kwanza. Yaah! namba tatu inaweza ikawa ya ushindi na ukazawadiwa lakini je hilo ndilo lengo lako?

              6. Fanya Chochote Kila Siku.

Fanya chochote kila siku hasa kile kinachokupeleka kuelekea kwenye lengo lako la msingi. Hili ni kanuni muhimu ya mafanikio itakayo kujengea nguvu na shauku kubwa. Ili uendelee kuwa na moyo, ujasiri, kujiamini na mwenye hamasiko unapaswa kufanya kitu kila siku ambapo utakuwa unajihisi na kujiona unasonga mbele na kuendelea.

Kazi yako ni kuhakikisha unajijenga tabia ya kufanya jambo lolote kila siku hasa jambo linalokusogeza kufikia malengo yako. Unajua ukijitaidi kila siku kufanya kwa asilimia moja utajikuta mwisho wa mwenzi umefanya kwa asilimia thelathini au thelathini na moja. Na utakuwa umepiga hatua kubwa sana. Usikubali siku ikupite hujafanya chochote kinachokusogeza mbele kufikia malengo yako.

      7.   Komaa Usiache.

Amua  kukomaa mpaka ufikie mafanikio au malengo uliyojiwekea na kamwe kutoacha, maana umeshaanza kuelekea ndoto zako au malengo yako. Haijalishi utakutana na ugumu au vikwazo kiasi gani jihaidi kutokuacha au kutokukatisha ulichokianza. Amua hivyo tafadhali. Endelea hadi ufikie kilele. Komaa sana.

Nimefika tamati lakini sasa uko huru kufikia  malengo yoyote utakayo jiweke.  Kama utafuata hatua hizi kwa umakini, na kwa dhati huna sababu ya kuwa na wasiwasi wa kufikia kilele cha malengo yako. Nakutakia kila la  kheri katika safari yako ya mafanikio.

SOMA: Kipimo Cha Mafanikio Kabla Ya Kuanza Mwaka Mpya

 Ukijenga utamaduni wa kutembelea mtandao huu kila siku muda si mrefu unakuwa tajiri wa mali, maarifa na afya. Kazi kwako!

Read More