Wanafunzi wa shule ya sekondari Tweyambe wamenusurika kifo

Wanafunzi wa kiume wa bweni wa kidato cha pili katika shule ya sekondari ya Tweyambe iliyoko wilayani Misenyi, mkoani Kagera wamenusurika kifo baada ya bweni lao kuungua kwa moto ambao umesababisha hasara kubwa kwa kuteketeza kabisa mali zote za wanafunzi hao walizokuwa wamezihifadhi ndani ya bweni hilo ambalo walikuwa wakilitumia kwa ajili ya malazi.

Moto huo ulianza kuwaka kuanzia majira ya saa 2.30 usiku muda ambao wanafunzi walikuwa kwenye vyumba vya madarasa wakati wakijisomea, mashuhuda wa moto huo ambao ni pamoja na walimu na wanafunzi, wamesema moto uliozuka ulikuwa mkubwa sana na ndio maana jitihada za kuuzima zilizofanywa na kikosi kazi cha jeshi la wananchi kilichoko mkoani Kagera kwa ajili ya kurejesha katika hali ya kawaida miundombinu iliyoharibiwa na tetemeko na askari wa kikosi cha zimamoto kwa kushirikiana na wanafunzi katika shule hiyo zilishindikana.

Nao baadhi ya viongozi ambao ni pamoja diwani wa kata ya Ishozi, William Rutta na mwenyekiti wa shule ya sekondari ya Tweyambe Habibu Mwijage wamelihusisha tukio hilo na masuala ya hujuma, wakizungumza wamesema umeme wa nguvu ya jua ambao umefungwa katika mabweni kuwa hauwezi kuwa chanzo cha moto uliounguza bweni kama taarifa za awali za uchunguzi wa jeshi la polisi zinavyoeleza juu ya tukio hilo.

Download Video and Put Comment

Toa Maoni Hapa Chini

facebook

twitter

Tweet

google+

linkedin