Trump atumiwa ujumbe na Baraza la Waislamu Marekani

Baraza la Waislamu nchini Marekani limemhimiza Donald Trump kuzingatia haki na usawa wa wananchi wote bila ya ubaguzi wa kidini kufuatia ushindi wake kwenye uchaguzi wa rais.

Akizungumza na waandishi wa habari katika mji mkuu wa Washington, mkuu wa baraza hilo Nihad Awad alitoa wito kwa rais huyo mpya kuzingatia haki za wananchi wa Marekani wakiwemo Waislamu.

Akikumbushia matamshi ya chuki na ubaguzi dhidi ya Waislamu aliyotoa Donald Trump wakati wa kampeni, Awad alisema, ''Waislamu wa Marekani wataendelea kuishi nchini. Hatutoenda popote na wala hatutokaa kimya kuhusu suala hili.''

Awad aliongezea kusema kuwa baraza hilo litaendelea kupigania haki za Waislamu na uhuru wao kama ilivyokuwa hapo awali ili kumaliza unyanyasaji.

Awad pia alitoa wito kwa Waislamu wote wanaoishi nchini humo kuondoa hofu huku akiwakumbusha haki zao ambazo ni sawa na wananchi wengi wa Marekani.

Wakati wa kampeni za uchaguzi, Donald Trump alikuwa akikshifiwa kwa matamshi yake ya ubaguzi na kutaka kuzuia Waislamu kuingia Marekani huku akitoa wito wa kufungwa kwa misikiti.

 

SOMA: Ahadi za Trump ndani ya siku 100 za kwanza madarakani

Download Video and Put Comment

Toa Maoni Hapa Chini

facebook

twitter

Tweet

google+

linkedin