Msuva amtaja Mgosi kwenye mafanikio yake

Winga mshambiliaji wa mabingwa wa ligi kuu Tanzania Bara, Saimon Msuva amemtaja mchezaji wa zamani wa wekundu wa Msimbazi, Simba Musa hassan Mgosi kama chachu ya mafanikio yake katika soka.

Msuva  amesema mtu pekee aliyemvutia kuingia katika soka ni Mgosi ambaye alikuwa akicheza nafasi ya ushambuliaji katika timu ya Simba na sasa ni Meneja wa timu hiyo.

"Nilikuwa mpenzi wa mpira tangu nikiwa mdogo na nilikuwa navutiwa na wachezaji wengi lakini mtu pekee ambaye ambaye alinishawishi hadi na mimi nikatamani kucheza kwa viwango vya juu, nilikuwa napenda anavyopigana kutafuta mabao"

Pia Msuva amesema licha ya familia yake kuwa na mapenzi na Simba lakini yeye anapokuwa uwanjani anaitumikia Yanga kama kazi na anaweka mapenzi pembeni.

Mussa Hassan 'Mgos'

Mbali, na Mgosi, Msuva pia ameeleza kuvutiwa na winga aliyesajiliwa Mbeya City hivi karibuni, Mrisho Ngassa huku akimtaja Cristiano Ronaldo wa Real Madrid ya Hispania kuwa ndiye mchezaji anayemkubali zaidi duniani

Hadi sasa katika msimu huu wa ligi, msuva ndiye anayeongoza kwa mabao ndani ya klabu ya Yanga, akiwa ameifungia mabao 9.

Download Video and Put Comment

Toa Maoni Hapa Chini

facebook

twitter

Tweet

google+

linkedin